Charter Document - 02380268
| Charter Number: | 02380268 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1205 - 1206 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Will[elmu]s dei gratia Lincolniensis episcopus salutem eternam in domino Noverit universitas vestra nos ad presentationem dilectorum in Christo filiorum Alani prioris et canonicorum de Noketon admisisse dilectum in Christo filium Vacarium capellanum ad perpetuam vicariam ecclesie de Dunston ipsum que in eadem ecclesia canonice perpetuum vicarium instituisse ita quidem quod predictus Vacarius eandem ecclesiam de Dunston cum omnibus pertinentiis suis quo advixerit tenebit reddendo prefatis canonicis pro medietate decime garbarum eiusdem ville quas de consensu R decani et capituli Lincolniensis ecclesie eisdem canonicis de Noketon post decessum predicti Vacarii in proprios usus convertendas concessimus unam marcam argenti ad duos terminos solvendam scilicet dimidiam marcam ad Pascha et dimidiam marcam ad festum sancti Michaelis salvis episcopalibus consuetudinibus sepedicto Vacario solvendis et Lincolniensis ecclesie dignitate Quod ut futuris temporibus perpetuam obtineat firmitatem presenti scripto et sigilli nostri patrocinio communivimus Testibus Philippo subdecano magistris G de Rowell W filio Fulconis A de sancto Edmundo et Thoma de Fiskerton Lincolniensis ecclesie canonicis magistro Willelmo de Stavenb Roberto de Methringham decano Hugone capellano de Noket Petro clerico et aliis