Charter Document - 02380259
| Charter Number: | 02380259 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1205 - 1206 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Will[elmu]s dei gratia Lincolniensis episcopus salutem eternam in domino Noverit universitas vestra nos ad resignationem dilecti in Christo filii Petri de Columpna Lincolniensis ecclesie canonici dedisse et concessisse caritatis intuitu dilecto in Christo filio magistro Willelmo filio Fulconis clerico nostro illam prebendam decem librarum esterlingorum quam ad instantiam et petitionem domini pape Innocentii tercii eidem Petro antea contuleramus quam etiam tempore predecessorum nostrorum magister Symon de Trou et post eum magister Alanus de Buggenden habuerant perpetuo possidendam Et ipsi magistro Willelmo dictas decem libras assignavimus percipiendas ubi predicti canonici eas percipere consueverunt videlicet de firma archidiaconatus Lincolniensis per manum ipsius archidiaconi scilicet centum solidos ad Pascha et centum solidos ad festum sancti Michaelis Ut autem hec nostra donatio et concessio perpetuam obtineant firmitatem eas presenti scripto et sigilli nostri patrocinio com munivimus Testibus Rogero decano Philippo subdecano magistris Girardo de Rowell Gilberto de Malbertorp Adam de sancto Edmundo et Thomas de Fiskerton Lincolniensis ecclesie canonicis magistro Willelmo de Stavenb Alexandro de Torkes Rogero Petro Waleranno et Karolo clericis et multis aliis