Charter Document - 02380242
| Charter Number: | 02380242 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1203 - 1206 |
| Date type: | Assigned |
| Resource Link(s): |
|
Charter:
Universis Christi fidelibus ad quos presens scriptum pervenerit Willelmus dei gratia Lincolniensis episcopus salutem eternam in domino Iustis postulantium desideriis adesse pio favore volentes precipue domibus religiosis nostri patrocinii presidium tenemur impertiri ne ea que fidelium largitione ad loca sancta et religiosa collata fuerint beneficia aliquorum prava malignitate possint nimium seu turbari aut per temporum vetustatem oblivione sepeliri Ad universitatis igitur notitiam volumus devenire nos rata habere et presenti carta confirmare religiose domui sancte Marie et sancti Iohannis Baptiste de Godestow et famulabus Christi ibidem deo servientibus ad earum perpetuis usibus pro futura beneficia fidelium Christi largitate concessa que propriis nominibus duximus explicanda videlicet ex dono bone memorie Alexandri Lincolniensis episcopi centum solidos annuos in teloneo mercati de Bannebir percipiendos ex dono regis H filii Matild[is] imperatricis ecclesias de Wicumb et de Blokesham cum omnibus pertinentiis suis ex dono Alwini filii Godegos ecclesiam sancti Egidii cum omnibus pertinentiis suis que sita est extra Oxonf ex dono Agnetis filie Pagani filii Iohannis ecclesiam de Dunington cum omnibus pertinentiis suis ex dono Simonis de Wahill medietatem ecclesie de Pateshill cum omnibus pertinentiis suis Prefata igitur beneficia sicut eisdem monialibus rationabiliter sunt collata in proprios usus plenarie convertenda et propriis earum capellanis deservienda rata habemus et episcopali auctoritate confirmamus Concedimus etiam predictis ancillis Christi ut sint libere et quiete ab omni exactione consuetudine atque gravamine salvo episcopali iure et Lincolniensis ecclesie dignitate Quod ut ratum habeatur et firmum presenti scripto et sigillo nostro duximus confirmandum Testibus R archidiacono Norhamtun magistris Alexandro de Elnestow Gilberto de Malbertorp Thoma de Fiskert Lincolniensis ecclesie canonicis magistris Willelmo filio Fulconis Adam de sancto Edmundo Willelmo de Stavenb et multis aliis