Charter Document - 02380234
| Charter Number: | 02380234 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1203 - 1206 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Willelmus dei gratia Lincolniensis episcopus salutem eternam in domino Noverit universitas vestra nos ad presentationem dilectorum in Christo filiorum abbatis et monachorum de Croiland admisisse dilectum filium Robertum capellanum ad vicariam ecclesie de Langtoft ipsumque in ea perpetuum vicarium canonice instituisse ita quidem quod idem Robertus omnes obventiones eiusdem ecclesie preter garbam percipiet reddendo annuatim dictis abbati et monachis dimidiam marcam in festo sancti Bartholomei apostoli salvis in omnibus episcopalibus consuetudinibus ab eodem Roberto solvendis et Lincolniensis ecclesie dignitate Quod ut perpetuam optineat firmitatem presenti scripto et sigilli nostri patrocinio roborato confirmamus Hiis testibus []