Charter Document - 02380233
| Charter Number: | 02380233 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1203 - 1206 |
| Date type: | Assigned |
| Resource Link(s): |
|
Charter:
Universis Christi fidelibus ad quos presens scriptum pervenerit Willelmus dei gratia Lincolniensis episcopus salutem in domino Ut ea que viris religiosis pia fidelium largitione rationabiliter collata sunt perpetua gaudeant firmitate episcopali auctoritate decet ea firmari et auctentici scripti patrocinio roborari Quapropter nos religionem et honestatem dilectorum in Christo filiorum monachorum de Croiland attendentes ipsis ecclesiam de Langtoft cum pertinentiis suis sicut eam rationabiliter adempti sunt auctoritate nostra confirmamus possidendam sicut eam ante tempus administrationis nostre in episcopatu Lincolniensi pacifice noscuntur possedisse salva perpetua vicaria ei qui in dicta ecclesia eorum nomine perpetuo ministrabit Qui quidem omnes obventiones ad dictam ecclesiam pertinentes preter garbas percipiet reddendo inde dictis monachis dimidiam marcam nomine pensionis salvis etiam episcopalibus consuetudinibus de quibus idem vicarius respondebit et Lincolniensis ecclesie dignitate Quod ut inposterum perpetuam optineat firmitatem presenti scripto et sigilli nostri patrocinio communimus Testibus []