Charter Document - 02380230
| Charter Number: | 02380230 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Admission, Institution |
| Date: | 1203 - 1206 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Willelmus dei gratia Lincolniensis episcopus salutem eternam in domino Noverit universitas vestra nos ad petitionem et concessionem dilecti in Christo filii Willelmi de Lanval filii Willelmi de Lanval patroni ecclesie de Walcre admisisse dilectos filios nostros abbatem et monachos de Colecestr ad eandem ecclesiam de Walcre et ipsos in ea canonice instituisse et eis in eadem ecclesia pensionem unius marce annuatim percipiendam episcopali auctoritate confirmasse ita quidem quod dilectus filius Galfridus de Bocland predictam ecclesiam cum omnibus pertinentiis suis tota vita sua de eis tenebit reddendo eisdem abbati et monachis predictam marcam annuatim nomine pensionis salvis in omnibus episcopalibus consuetudinibus et Lincolniensis ecclesie dignitate Quod ut ratum et inconcussum inposterum perseveret id presenti scripto sigilli nostri munimine roborato communimus Testibus magistris Girardo de Rowell Gileberto de Malbertorp et Thoma de Fiskerton Lincolniensis ecclesie canonicis Vacario capellano magistro Willelmo filio Fulconis Petro de Parisiis Rogero de Rolehust Henrico de Ramburc Ricardo de Rowell Petro de Cheuermund et Waleranno clericis et multis aliis