Charter Document - 02380223
| Charter Number: | 02380223 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1205 - 1206 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerint Guillelmus dei gratia Lincolniensis episcopus salutem eternam in domino Noverit universitas vestra nos ex inspectione cartarum Alani filii comitis et excellentissimi domini Iohannis dei gratia illustris regis Anglorum et Huberti bone memorie quondam Cantuariensis archiepiscopi pandisse quod dictus Alanus dilectis in Christo filiis canonicis sancte Marie de Bello Portu omnes ecclesias ad presentationem suam sitas in archidiaconatu Lincolenensi scilicet in socha de Waltham pertinentes caritative contulit videlicet ecclesiam de Waltham de Bernelobi de Belesbi de Haudclive de [Rav]endal de Brigehesl de Hawaudebi de Abwaldebi et de Besebi cum earum pertinentis necnon ad vestituram dictorum canonicorum decem libras sterlingorum annuatim in manerio suo de Ravendale percipiendas et quod tam dicti dominus rex quam archiepiscopus ea sibi confirmaverunt Ut igitur eadem pia donatio prescripti nobilis viri futuris temporibus perpetuam obtineat firmitatem eam sicut rationabiliter facta est auctoritate nostra confirmamus et presentis scripti et sigilli nostri patrociniis com munivimus salvis in omnibus episcopalibus consuetudinibus et Lincolienensis ecclesie dignitate Testibus Galfrido precentore Philippo sub decano magistris Symone de Sywell Girardo de Rowell Gilberto de Malbertorp Adam de sancto Edmundo et Thome de Fiskerton Linconensis ecclesie canonicis magistro Willelmo de Stavenby Rogero Bacun Petro de Chevermund clericis et multis aliis