Charter Document - 02380219
| Charter Number: | 02380219 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1205 - 1206 |
| Date type: | Assigned |
| Resource Link(s): |
|
Charter:
Universis Christi fidelibus ad quos presens scriptum pervenerit Willelmus dei gratia Lincolniensis episcopus salutem eternam in domino Ea que viris religiosis pia fidelium largitione rationabiliter collata sunt inperpetuum inconcussa permaneant autentici scripti decet munimine roborari et episcopalis auctoritatis subsidio stabiliri Eapropter dilectorum in Christo filiorum monachorum de Bard religionem et honestatem attendentes duas garbas totius decime ad ecclesiam de Edelberg pertinentis in proprios usus inperpetuum convertendas confirmamus et presenti scripto cum sigilli nostri patrocinio communimus salvo toto residuo ad opus vicarii qui in dicta ecclesia eorum nomine perpetuo ministrabit salvis in omnibus episcopalibus consuetudinibus vicario persolvendis et Lincolniensis ecclesie dignitate Testibus W archidiacono Bukingham magistro W filio Fulconis T de Fiskerton canonicis Lincolniensibus magistro W de Stavenebi R de Bolehurst P de Cheueremund Waleranno Karolo clericis et multis aliis