Charter Document - 02380217
| Charter Number: | 02380217 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1203 - 1206 |
| Date type: | Assigned |
| Resource Link(s): |
|
Charter:
W dei gratia Lincolniensis episcopus dilectis in Christo filiis archidiaconis officialibus et decanis universis per episcopatum Lincolniensem constitutis salutem et benedictionem Noverit universitas vestra nos domum de Bard quam propter dilectorum filiorum monachorum ibidem deo iugiter famulantium religionem et honestatem speciali devotione tenemur amplecti possessiones etiam ad eam pertinentes in protectione nostra recepisse Mandamus ergo vobis firmiter iniungentes quatinus auditis eorum querimoniis si quos inveneritis contumeliose eis iniurias inferre possessiones eorum contra iustitiam inquietare averia eorum capere vel detinere beneficiaque rationabiliter eis collata occupare vel aliqua violentia perturbare ipsis super hiis celerem et districtam exhibeatis iustitiam ita ne ipsos pro defectu iustitie ad nos oporteat laborare Valete