Charter Document - 02380207
| Charter Number: | 02380207 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1190 - 1195 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Hugo dei gracia Lincol episcopus salutem in domino Ad vniuersitatis vestre volumus peruenire noticiam nos auctoritate episcopali concessisse et confirmasse deo et beate Marie et beato Jacobo et canonicis de Wartre medietatem ecclesie de Vlseby quam Galfridus capellanus domini regis tenuit in proprios usus perpetuo possidendam sicut eam ad presens iuste et pacifice ex donacione bone memorie Galfridi Trussebut possident salua competenti vicaria Saluis eciam episcopalibus consuetudinibus et Linc ecclesie dignitate Quod vt firmum cunctis diebus permaneat presenti scripto sigilli nostri apposicione communito roborauimus Hiis testibus Hamone Lincolniensis ecclesie decano magistro Ricardo de Swaleclive magistro Gerardo de Rowell Roberto de Capella Reymundo Galfrido de Deping magistro Willelmo de Fryseby Willelmo filio Fulconis Roberto de Dunstapl et multis aliis