Charter Document - 02380181
| Charter Number: | 02380181 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1189 - 1191 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Hugo dei gratia Lincolniensis episcopus salutem in domino Noverit universitas vestra nos ratam habere relaxationem factam primo priori et monachis de Spald ab abbate et monachis Burgi de universo iure quod ipsi dicebant se habere in ecclesia de Hautebarge et capella de Walecote et in appenditiis suis Ratam etiam habemus concessionem factam eidem priori et monachis iamdictis abbate et monachis Burgi de una carucata terre in Hautebarg et una bovata terre in Walecot quas prenominati prior et monachi de Spald tenebunt de prefatis abbate et monachis de Burgo solvendo inde singulis annis i marcam argenti ad firmam de Walecote ad duos terminos in natale domini et in nativitate sancti Iohannis Baptiste et preterea solvendo inde memoratis abbati et monachis Burgi iii solidos et iii panes de hastivell singulis annis in passione apostolorum Petri et Pauli apud Burgum Quod ut ratum habeatis et inconvulsum presentis pagine in scriptione et sigilli nostri appositione corroboravimus T[estibus]