Charter Document - 02380180
| Charter Number: | 02380180 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1186 - 1200 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit H dei gratia Lincolniensis episcopus salutem in domino Noverit universitas vestra nos ad presentationem prioris et conventus de Spalding patronorum ecclesie de Spalding dilectum in Christo filium Willelmum capellanum ad perpetuam eiusdem ecclesie de Spald vicariam admisisse et ipsum in eadem vicarium perpetuum instituisse Consistit autem eadem vicaria in exhibitione capellani qui debet accipere panem monachalem et servisian cum generali de coquina et ad palefridum suum necessaria in avena et foragine Consistit etiam vicaria in decimationibus operariorum et omnium mercatorum ville de Spalding cum legatis capellam debitis et visitationibus infirmorum cum denariis missalibus et denariis cum pane benedicto oblatis et caseis ad Pentecost et gallinis ad natale predicte ecclesie de Spald debitis salvi in omnibus episcopalibus consuetudinibus et Lincolniensis ecclesie dignitate Et ut hec institutio nostra perpetuam optineat firmitatem eam presenti scripto et sigilli nostri duximus appositione confirmandam T[estibus] []