Charter Document - 02380174
| Charter Number: | 02380174 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1189 - 1193 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum peruenerit Hugo dei gracia Lincoln episcopus salutem in domino Cum ex officio cure pastoralis nobis incumbat quosque fideles sub regimine nostro constitutos in suo iure fouere speciali tamen quadam prerogatiua sollicitudinis religiosis personis prouidere tenemur ut et in spiritalibus proficiant bona sua temporalia tuicione nostra mediante quietius et securius possideant Hinc est quod pietatis intuitu concedimus et episcopali auctoritate et presentis scripti patrocinio confirmamus conuentui ecclesie beate Marie de Sempingham ecclesias quas canonice adepti in dioecesi nostra possidere noscuntur perpetuo possidendas secundum cartas donatorum suorum scilicet ecclesiam sancti Andree de Sempingham cum capella de Pointun et ceteris pertinenciis suis ex dono Rogeri filii Jocelini ecclesiam sancte Edeldride de Stov iuxta Trikingham cum capella de Birkethorp et ceteris pertinenciis suis ex dono Willelmi Pikenot ecclesiam sancti Petri de Kirkebi que est iuxta Lafford uersus orientem cum pertinenciis suis ex dono Alicie de Gaunt comitisse et Hugonis de Nouilla ecclesiam beate Marie de Westiringtun cum pertinenciis suis ex dono Agnetis filie Jocelini et Rogeri Musteil filii eiusdem Agnetis et de concessione et confirmacione bone memorie Roberti episcopi predecessoris nostri saluis episcopalibus consuetudinibus et Linc ecclesie dignitate Hiis testibus Hamone decano Lincolniensi Roberto archidiacono Huntend Stephano cancellario Lincolniensi magistro Rogero de Roluestun magistro Willelmo de Monte magistro Ricardo de Sualeclif Roberto de Insula Galfrido de Lechelad Eustachio clerico Gerardo de Rouwell