Charter Document - 02380166
| Charter Number: | 02380166 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1195 - 1198 |
| Date type: | Assigned |
| Resource Link(s): |
|
Charter:
Universis Christi fidelibus ad quos presens scriptum pervenerit H dei gratia Lincolniensis episcopus et R Lincolniensis ecclesie decanus et R archidiaconus Leic salutem Ad communem omnium volumus devenire noticiam quod cum causa que vertebatur inter monachos sancti Fromundi et magistrum S de Stanford et magistrum R de Stapelford super ecclesia sancti Iohannis de Stanford de mandato summi pontificis Celestini pape tercii nobis commissa fuisset audienda et fine canonico terminanda predicto magistro R et prefato magistro S procurante causam propriam et causam iamdictorum monachorum in presentia nostra constitutis idem R pure et sponte renuntiavit in perpetuum iuri quod vendicabat in supradicta ecclesia omni que questioni super ea coram nobis mote et omnibus instrumentis ab eo super ea habitis Preterea coram nobis iuramentum prestitit quod nec prenominatis monachis nec prenominato S super ea de cetero questionem movebit Iuravit etiam idem R in presentia nostra quod nec monachis sancti Fromundi nec monialibus sancti Michaelis de Stanford nec sepedicto S tam propriam quam illorum causam procuranti super ecclesia omnium sanctorum in foro de Stanford de cetero questionem movebit iuri quod in eadem ecclesia prius vendicabat sponte renuntians Nos vero habito virorum prudentum consilio auctoritate qua fungebamur per sententiam diffinitivam eidem R perpetuum silentium super iamdictis ecclesiis inposuimus et iamdictum S et supradictos monachos et moniales ab eiusdem R impetitione super prefatis ecclesiis absolvimus Ne igitur que in presentia nostra tam sollempniter acta sunt in dubium tractu temporis possint revocari ea huius scripti serie et sigillorum nostrorum testimonio corroboravimus Hiis testibus magistro W Norhanton R Huntend S Bukingham archidiaconis magistro G de Rowell magistro A de Alnestow magistro R de Malmecestr magistro R de Sumerford Ing[elramo] capellano decani W clerico de Bannebir et multis aliis