Charter Document - 02380165
| Charter Number: | 02380165 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1189 - 1192 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Hugo dei gratia Lincolniensis episcopus salutem in domino Ad universitatis vestre notitiam volumus pervenire nos ad presentationem prioris et conventus sancti Fromundi recepisse dilectum filium nostrum magistrum Samsonem de Stamford ad ecclesiam sancti Iohannis in Stamford et eum perpetuum vicarium in ea canonice instituisse Volumus autem et precipimus ut idem Samson prefatam ecclesiam cum omnibus pertinentiis suis habeat et possideat salva pensione unius marce prefato conventui sancti Fromundi annuatim solvenda ad duos terminos dimidiam videlicet marcam ad festum sancti Michaelis et dimidiam marcam ad terminum Rogationum salvis episcopalibus consuetudinibus et Lincolniensis ecclesie dignitate Hiis testibus Hamone decano Lincolniensis ecclesie magistro Rogero de Rolveston Roberto de Hardr magistro Ricardo de Swaleweclin magistro Adam de Lincoln magistro Girardo de Rowell Hugone de sancto Edwardo Eustachio de Wylton et aliis multis