Charter Document - 02380160
| Charter Number: | 02380160 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1189 - 1193 |
| Date type: | Assigned |
| Resource Link(s): |
|
Charter:
Hug[o] dei gratia Lincolniensis episcopus omnibus Christi fidelibus ad quos presens scriptum pervenerit eternam in d[omino salutem] Noverit universitas vestra nos dedisse et concessisse dilecto filio et fideli nostro Ricardo hostiario duas virgatas terre extra Bannebir de feodo nostro videlicet virgatam quam Gilebertus Chethun et virgatam quam Radulfus telarius tenuerunt Quas prefatus Ricardus tenebit libere et quiete ipse et heredes sui de nobis et successoribus nostris reddendo singulis annis decem solidos ad quatuor terminos pro omni servicio excepto quod idem Ricardus et qui prefatas virgatas post eum tenebit semel in anno ad precarias nostras arabit et semel metet Hanc nostram donationem et concessionem presenti scripto et sigilli nostri patrocinio confirmavimus Testibus Hamone Lincolniensis ecclesie decano magistro R Rolveston magistro Ricardo de Swalewecl Galfrido de Lecchelad Roberto de Capella Hugone de sancto Edwardo clericis Waltero constabulario Eustachio de Wilton et aliis multis