Charter Document - 02380144
| Charter Number: | 02380144 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1189 - 1193 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Hugo dei gratia Lincolniensis episcopus salutem et dei benedictionem Petitiones rectitudinis tramite non discrepantes dignum est exaudire et auditas effectu prosequente complere Ea propter karissimorum fratrum nostrorum abbatis et canonicorum ecclesie beate Marie de Oseneia iustis postulationibus annuentes ipsos et monasterium in quo divino mancipantur obsequio sub protectione dei et sancte Lincolniensis ecclesie et nostra suscipimus possessiones etiam et redditus et precipue ecclesias sive capellas cum vicariis et decimis et aliis earum pertinentiis quas in episcopatu Lincolniensi idem fratres rationabiliter sunt adepti eis episcopali qua fungimur auctoritate confirmamus in quibus hec propriis duximus exprimenda vocabulis de dono Roberti de Oilli predicti monasterii fundatoris necnon et Henrici de Oilli primi et Henrici et Roberti filiorum eius ecclesias de Kedelinton de Westona de Claindon de Okenarton de Cestreton item de dono Henrici de Oilli primi et Henrici et Roberti filiorum eius necnon et de dono Iohannis de sancto Iohanne et Bernardi de sancto Walerico et Bernardi filii eius et principaliter de dono Matillid[is] imperatricis et filii eius regis Henrici secundi ecclesiam sancti Georgii que sita est in castello de Oxeneford cum ecclesia sancte Marie Magdal et ecclesiis de Stowa de Couleia de Ivetele et cum omnibus aliis ecclesie sancti Georgii pertinentiis salva compositione facta inter ecclesiam de Oseneia et Robertum de sancto Remigio super ecclesia de Ivetele quam quia ratam esse volumus presenti scripto confirmamus item de dono Henrici de Oilli primi et Henrici et Roberti filiorum eius necnon et de dono Halinadi de Bidun et Willelmi Paganelli et Sare uxoris eius ecclesiam de Watlinton de dono Willelmi de Braci et Gileberti filii eius ecclesiam de Stanes cum capella de Suthcote de dono Hugonis de Tiwe capellam de Forstella salva compositione facta inter ecclesiam de Oseneia et ecclesiam sancte Frideswithe super eadem capella de dono Willelmi filii Helie et Emme uxoris eius et Willelmi filii eorum ecclesiam de Waterperi de dono Roberti Gaiti ecclesiam de Hamton Gaitorum de dono Rogeri de sancto Iohanne et Willelmi fratris eius ecclesiam de Bertona cum capellis de Sanford et de Ledwell de dono Radulfi Mur[dac] et Hugonis de Burton capellam de Burtona Volumus igitur et firmiter statuimus ut iam dicta ecclesia et fratres de Oseneia omnia prenominata libere et integre imperpetuum habeant et possideant salvis episcopalibus consuetudinibus et Lincolniensis ecclesie dignitatibus Et ut hec nostra confirmatio rata et inconvulsa inperpetuum habeatur eam presenti pagina et sigilli nostri appositione duximus corroborandam His testibus magistro Stephano cancellario Lincolniensi magistro Rogero de Rolveston magistro Symone de Siwell magistro Gaufrido de Lechelad Walchalino capellano nostro magistro Ricardo vicearchidiacono Nigello decano de Oxeneford et multis aliis Valete