Charter Document - 02380132
| Charter Number: | 02380132 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1192 - 1195 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Hugo dei gratia Lincolniensis episcopus salutem in domino Noverit universitas vestra nos divine pietatis intuitu consideratis etiam caritatis operibus que divina propitiante munificentia in eadem domo habundantius et frequentius fiunt concessisse et auctoritate pontificali confirmasse monasterio beati Andree de Northampton monachisque ibidem deo deservientibus ecclesiam beati Petri de Norh cum omnibus ad eam pertinentibus in proprios usus eiusdem domus perpetuo possidendam salvo iure dilecti filii nostri Henrici filii Petri in eadem ecclesia in vita sua salva etiam conpetent vicaria in ecclesia eadem cum vacaverit instituenda salvis etiam episcopalibus consuetudinibus et Lincolniensis ecclesie dignitate Quod ut ratum et firmum permaneat presenti scripto sigilli nostri appositione corroborato communimus Hiis testibus magistro Rogero archidiacono de Legrec magistro Ricardo de Sualeclive magistro Alexandro de Bedeford Roberto de Capella Galfrido de Lichel Reimundo Galfrido de Depingi Lincolniensis ecclesie canonicis magistro Alexandro de Norh Hugone de sancto Edwardo Roberto de Dunnestapel et multis aliis