Charter Document - 02380127
| Charter Number: | 02380127 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1186 - 1200 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Hugo dei gratia Lincolniensis episcopus salutem in domino Quoniam ea que locis religiosis conferuntur beneficia dignum est episcopalis auctoritatis robore communiri ne malignantium pravitate possint inposterum retractari aut per temporis revolutionem oblivione sepeliri ad universitatis vestre notitiam volumus pervenire nos rata habere et presenti carta confirmare deo et ecclesie beati Marie de Neuport beneficia ecclesiastica sicut prefate ecclesie et monachis ibidem deo servientibus sunt rationabiliter collata que pro propriis nominibus duximus annotanda videlicet ipsam ecclesiam de Neuport cum pertinentiis suis ecclesiam de Tiningonam cum pertinentiis suis ecclesiam de Srinton cum pertinentiis suis ecclesiam de Chicheeleia cum pertinentiis suis capellam de Estwerde cum pertinentiis suis capellam de Linford cum pertinentiis suis ecclesiam de Wilingis cum pertinentiis suis capellam de Bradewelle cum pertinentiis suis medietatem capelle de Parva Crawleia cum pertinentiis suis quartam partem ecclesie de Magna Crawleia medietatem ecclesie de Brocton cum pertinentiis suis Ut ergo hac nostra confirmatio rata sit inperpetuum presentis scripti firmamentum et sigilli nostri duximus apponere testimonium salvis episcopalibus consuetudinibus et Lincolniensis ecclesie dignitate