Charter Document - 02380124
| Charter Number: | 02380124 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1195 - 1198 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Hug[o] dei gratia Lincolniensis episcopus salutem et dei benedictionem Noverit universitas vestra nos dei et pietatis intuitu considerata paupertate fratrum de Nehus concessisse et presenti carta confirmasse deo et ecclesie sancti Marcialis de Nehus atque fratribus ibidem deo servientibus ecclesiam sancti Petri de Halt ecclesiam sancti Dionisii de Kilwingholm ecclesiam sancte Margarete de Haburc ecclesiam sancte Helene de Kinigt et medietatem ecclesie omnium sanctorum de Broclausbi et terciam partem alterius medietatis eiusdem ecclesie ecclesiam sancti Michaelis de Glenworhe ecclesiam sancti Botulfi de Saxolebi cum omnibus pertinenciis suis ita videlicet ut eas habeant et convertant in proprios suos usus salvis episcopalibus consuetudinibus et Lincolniensis ecclesie dignitate Quod ut inposterum ratum et inconvulsum permaneat presenti scripto et sigilli nostri patrocinio roboravimus Hiis testibus R decano Lincolniensis ecclesie Roberto archidiacono Huntedon Radulfo de Viren magistro Ricardo de Swaleclive magistro Gerardo de Rodhewel Raimundo Roberto de Capella Hugone de sancto Edwardo Luca clerico archidiaconi Huntedon Eustachio de Wilton et aliis multis