Charter Document - 02380085
| Charter Number: | 02380085 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Admission |
| Date: | 1189 - 1193 |
| Date type: | Assigned |
| Resource Link(s): |
|
Charter:
Hugo dei gratia Lincolniensis episcopus omnibus Christi fidelibus ad quos presens scriptum pervenerit eternam in domino salutem Noverit universitas vestra nos ad presentationem dilecti filii nostri Danielis de Crevequer recepisse dilectos filios nostros priorem et canonicos de Liedes ad personatum medietatis ecclesie de Halhton et eos canonice in ea instituisse Ad eorum etiam presentationem de consensu prefati advocati recepimus dilectum filium nostrum Beniamin clericum ad perpetuam vicariam in ea instituimus ita quod idem B solvet de eadem medietate prefatis canonicis nomine pensionis dimidiam marcam salvis episcopalibus consuetudinibus et Lincolniensis ecclesie dignitate Ut autem hec nostra donatio firmam optineat stabilitatem eam presenti scripto et sigilli nostri patrocinio confirmavimus Hiis testibus Hamone decano Lincolniensis ecclesie Roberto abbate Nutel magistro Rogero de Rolveston Petro fratre nostro magistro Ricardo de Swalewecl Roberto de Capella Hugone de sancto Edwardo Willelmo Eustachio de Wilton et aliis multis