Charter Document - 02380081
| Charter Number: | 02380081 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1189 - 1193 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Hugo dei gratia Lincolniensis episcopus eternam in domino salutem Noverit universitas vestra nos ad presentationem Herberti de Bolebec militis recepisse Simonem de Whitefeld clericum ad ecclesiam de Kingeseia ipsum que in ea personam canonice instituisse Ad eiusdem etiam S presentationem de consensu prefati H advocati recepimus Willelmum clericum de Eia quod idem W habebit omnes decimationes ad ecclesiam illam pertinentes preter garbam et omnes obventiones altaris preterea duas marcas quas iam dictus S ei annuatim persolvet ad duos terminos videlicet unam marcam ad festum sancti Michaelis et unam ad Pascha Ipse autem W sinodalia persolvet Prefatus itaque S in presentia nostra iuravit se concessionem istam fideliter et absque tergiversatione observaturum W etiam in presentia nostra iuravit quod nunquam eidem S movebit super eadem ecclesia questionem nec amplius inde exiget Ut autem hec rata et inconcussa permaneant presenti scripto et sigilli nostri patrocinio confirmavimus salvis episcopalibus consuetudinibus et Lincolniensis ecclesie dignitate Hiis testibus magistro Stephano cancellario Lincolniensis ecclesie magistro Rogero de Rolveston magistro Ricardo de Swalewecliva Galfrido de Lecchelad Rogero Scotto Roberto de Capella Hugone de sancto Edwardo Eustachio de Wilton et aliis multis