Charter Document - 02380041
| Charter Number: | 02380041 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1194 - 1195 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum peruenerit Hugo dei gracia Linc episcopus eternam in domino salutem Ne ea que locis religiosis fidelium deuocione collata sunt alicuius leuitate seu malignitate possint in posterum reuocari antiquorum cauit prudencia scriptis autenticis ea imprimenda ut posterorum memorie fidelius traderentur Quorum pia nos uestigia sequentes ut consimili prouidencia domus de Chikesand indemnitati prouideamus beneficia ei in episcopatu nostro misericordie intuitu collata eidem domui et hiis qui in ea deo famulantur dignum piumque duximus in proprios usus confirmare Ipsa que beneficia nominibus propriis exprimere videlicet ecclesiam villa de Chikesand ecclesiam de Sto[tfold cum] capella de Estwic eidem ecclesie pertinente ecclesiam de Hagnes ecclesiam de Coggepol ecclesiam de Kaisou ecclesiam de Lincelade Volumus itaque et precipimus ut prefata domus de Chikesand et religiosi in ea habitan[tes prefata bene]ficia cum omnibus pertinentiis suis sicut eis iuste et canonice collata sunt libere et pacifice in perpetuum possideant Saluis episcopalibus consuetudinibus et Linc ecclesie dignitate Hiis testibus Hamone Linc ecclesie decano magistro Rogero de [] [pre]centore Willelmo cancellario magistro Ricardo de Sualeclif magistro Gerardo de Rouwell Galfrido de Lechelade Hugone de sancto Edwardo Eustachio de Wiltun