Charter Document - 02380038
| Charter Number: | 02380038 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1199 - 1200 |
| Date type: | Assigned |
| Resource Link(s): |
|
Charter:
Hugo Lincolniensis et Eustacius Elyensis dei gratia episcopi et Samson abbas sancti Edmundi dilectis sibi in Christo priori et conventui ecclesie Christi Cantuariensis salutem in domino Quia die quem venerabili patri nostro Hubertus Cantuariensi archiepiscopo et vobis pro causa quam idem archiepiscopus auctoritate litterarum domini pape adversus vos instituit constitueramus scilicet sabbato primo post festum sancte Katerine nec per vos nec per sufficientem procuratorem coram nobis in loco con paruistis constituto vobis auctoritate qua fungimur alium diem scilicet crastinum Conversionis sancti Pauli constituimus mandantes et iniungentes quatinus eodem die in cappella beate Katerine apud Westm per vos vel per sufficientem procuratorem coram nobis com pareatis dicto domino archiepiscopo secundum formam mandati apostolici alias vobis editi super iure reedificandi cappellam canonicorum prebenda ariorum responsuri et iuri parituri Et quia iam tertio vocati estis pro eadem causa nobis predictum diem vobis constituimus peremptorium mandantes ut sufficienter instructi veniatis alioquin nos secundum quod ratio exigeret nihilominus in causa procedemus