Charter Document - 02380025
| Charter Number: | 02380025 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1189 - 1192 |
| Date type: | Assigned |
| Resource Link(s): |
|
Charter:
Omnibus Christi fidelibus Hugo dei gratia Lincolniensis episcopus salutem Noverit universitas vestra quod cum contentio fuisset inter Ricardum abbatem de Grimesby et canonicos eiusdem loci et H priorem et canonicos de Brid super sententia data ab abbate de Rievall et priore de Nostela et precentore Eboracensi iudicibus ab apostolica sede delegatis contra predictum abbatem super decimationibus piscium piscatorum parochie de Fiuele quas ipse abbas et canonici iniuste dicebantur accepisse predictis piscatoribus in portu de Grimesby et nobis eiusdem sententie executio summo pontifice fuisset commissa Tandem convocatis partibus in presentia nostra apud Ludam ipsa controversia inter predictas domos talem finem sortita est scilicet quod predictus abbas de Grimesby et canonici eiusdem loci puplice recognoverunt coram nobis et multis viris discretis nobis assidentibus se nichil omnino iuris habere in predictis decimationibus capiendis et ideo quietas illas domui de Brid inperpetuum clamaverunt renuntiando manifeste omni iuri quo dicebant se iamdictas decimas percepisse sed et de perceptis misericordiam prioris de Brid humiliter imploraverunt cumque hoc priori grave videretur instantia bonorum virorum inductus est quod consilium nostrum et W abbatis de Waltham super hoc sequeretur Nos vero communicato consilio attendentes paupertatem domus de Grimesby persuasimus iamdicto priori ut sepe nominatas decimas perceptas canonicis de Grimesby remitteret et ipse eas libenter remisit et ego H Lincolniensis episcopus auctoritate qua fungebar decrevi ne abbas et canonici decetero decimas a memoratis piscatoribus parochie de Fiuel exigere attemptarent Et ut ratum sit et stabile inperpetuum quod in presentia nostra terminatum est presentem paginam sigilli nostri appositione duximus muniendam Hiis testibus