Charter Document - 02380012
| Charter Number: | 02380012 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Admission |
| Date: | 1189 - 1195 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presentes littere pervenerint Hugo dei gratia Lincolniensis episcopus salutem et benedictionem Noverit universitas vestra nos ad presentationem abbatis et conventus de Bard Walterum de Novilla ad medietatem ecclesie de Cranewell ad ipsos pertinentem sub annua pensione xvi solidorum ecclesie de Bard solvendorum recepisse Nos etiam ad presentationem memorati Walteri de consensu et voluntate eiusdem abbatis et conventus de Bard Willelmum de Stighenbi ad eiusdem portionis vicariam admisisse ita quidem quod Willelmus de Stighenbi prefatam medietatem ecclesie de Cranewell cum pertinentiis suis possidebit solvendo annuatim eidem Waltero xvi solidos salvis episcopalibus consuetudinibus et Lincolniensis ecclesie dignitate Et ita controversia inter abbatem et conventum de Bard et Willelmum de Stigh super prescripta medietate ecclesie de Cran mota coram nobis conquievit Quod ut ratum permaneat et firmum presentis scripti munimine confirmamus et sigilli nostri appositione corroboramus Teste decano et capitulo Lincolnie