Charter Document - 02380011
| Charter Number: | 02380011 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1192 - 1193 |
| Date type: | Assigned |
| Resource Link(s): |
|
Charter:
Omnibus Christi fidelibus Hugo dei gratia Lincolniensis episcopus salutem in domino Noverit universitas vestra nos ex inspectione cartarum Gileberti de Gant primi et Hugonis de Bello Campo primi et Hugonis de Bello Campo nepotis sui ex carta etiam bone memorie Roberti Lincolniensis episcopi predecessoris nostri indubitanter accepisse ecclesiam de Edelberg cum pertinentiis suis deo et sancto Oswaldo de Bard et monachis ibidem deo servientibus in puram et perpetuam elemosinam fuisse collatam Idem etiam ex confessione predicti Hugonis iunioris in presentia nostra facta plene cognovimus Nos igitur eandem donationem et concessionem predecessore nostro et predictis patronis factam ratam et firmam habentes eam auctoritate pontificali confirmavimus Ad presentationem etiam abbatis et conventus de Bard Simonem de Bello Campo clericum ad prefatam ecclesiam de Edelberg recepimus ita videlicet quod idem Simon eandem ecclesiam cum pertinentiis suis toto tempore suo possideat annuatim predicto monasterio nomine pensionis solvendo duos aureos Et ut hec omnia firma et illibata permaneant presentis scripti serie et sigilli nostri appositione ea duximus corroboranda salvis episcopalibus consuetudinibus et Lincolniensis ecclesie dignitate Hiis testibus Hamone Lincolniensis ecclesie decano Roberto archidiacono de Hunted magistro Rogero de Rolvest magistro Ricardo de Swaleclive Galfrido de Lichelade Sampsone de Newerc Roberto de Capella Galfrido de Depighe Eustacio de Wilton Willelmo de Linc decano Ricardo de Bard Galfrido clerico abbatis