Charter Document - 02380010
| Charter Number: | 02380010 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1189 - 1193 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Hugo dei gratia Lincolniensis episcopus salutem in domino Ad universitatis vestre notitiam volumus pervenire nos ad presentationem abbatis et monachorum de Bard recepisse dilectum filium et clericum nostrum Galfridum de Steping ad perpetuam vicariam ecclesie de Edlington ipsumque vicarium perpetuum instituisse ita videlicet quod idem Galfridus omnes obventiones percipiet preter garbas et preter omnes decimas de dominio abbatis in eadem villa annuatim solvendo predictis monachis nomine pensionis tres marcas argenti ad duos terminos videlicet ad festum beati Martini xx solidos et totidem ad Pentecost salvis consuetudinibus episcopalibus et Lincolniensis ecclesie dignitate Quod ut firmum perseveret presentis scripti serie et sigilli nostri munimine confirmavimus Hiis testibus Haimone decano Lincolniensis ecclesie Roberto archidiacono Huntund magistro Rogero de Rolveston magistro Ricardo de Swalewecliva Roberto de Capella Simone decano de Hehham Hugone de sancto Edwardo Eustacio de Wiltun et aliis multis