Charter Document - 02380006
| Charter Number: | 02380006 |
|---|---|
| Cartulary Title: | Lincoln 1186-1206 Volume 4 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1186 - 1200 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Hugo dei gratia Lincolniensis episcopus salutem eternam in domino Ad universitatis vestre noticiam volumus pervenire nos ad presentationem Iohannis abbatis de Alneto et conventus dilectum nostrum Gaufridum de sancto Edwardo ad perpetuam vicariam ecclesie de Magna Limberga recepisse et ipsum in eadem ecclesia vicarium perpetuum instituisse ita quod idem G imperpetuum percipiet terciam partem universorum quecumque ad prefatam ecclesiam de Limberga pertinere dinoscuntur et totum residuum cedet in usus monachorum Debebit autem prefatus G onera episcopalia sustinere Quod ut ratum habeatur et firmum presenti scripto et sigillo nostro duximus confirmandum salvis quidem in omnibus episcopalibus consuetudinibus et Lincolniensis ecclesie dignitate Testibus Rogero domini regis capellano Drogone de Frivill Gaufredo de Lichelad Petro domine regine capellano Hugone de sancto Edwardo Willelmo de Bosco Waltero Pagano