Charter Document - 02380003

Omnibus Christi fidelibus ad quos presens scriptum pervenerit Hugo dei gratia Lincolniensis episcopus eternam in domino salutem Ad pastoris spectat solicitudinem ea que viris religiosis divine caritatis intuitu noscuntur rationabiliter esse collata beneficia rata habere et firma Hinc est quod considerata religiosorum virorum abbatis et monachorum Abbend religiosa conversatione attendentes etiam hospitalitatem et opera caritatis que ipsi noscuntur transeuntibus et egenis inpendere eisdem abbati et monachis pensiones ecclesiarum et decimas quas ipsi in archidiaconatu Oxon ab antiquo pacifice possiderunt et adhuc possident dignum duximus confirmare videlicet de ecclesia sancti Martini in Oxon pensionem xxx solidorum de ecclesia de Niweham pensionem xxx solidorum et de ecclesia de Leukenore pensionem x solidorum duas etiam partes omnium decimationum de dominico de Niweham et duas partes omnium rerum que decimari debent de dominio de Grave de toto villenagio de Codesdone scilicet tam de cottariis quam aliis tenentibus duas partes garbarum de decima et in Wateleia duas partes garbarum unius hide Ricardi Gernun duas partes garbarum de una hyda Mathie et duas partes garbarum de quadam brechia quam Petrus tenet de dominio vero Galfridi de Abbefelde omnes decimas et de terra quam Robertus et Adam de Rewin tenent de coquina similiter omnes decimas Hec omnia prefatis abbati et monachis sicut ea favorabiliter adepti sunt et iuste ac debite possident tenenda inperpetuum episcopali auctoritate confirmamus salvis in omnibus episcopalibus consuetudinibus et Lincolniensis ecclesie dignitate Quod ut ratum et stabile perseveret id presenti scripto et sigilli munimine roboramus Hiis testibus Ricardo Lincolniensis ecclesie subdecano Hugone capellano magistro Galfrido de Depyng et Theobaldo de Bosell Lincolniensis ecclesie canonicis Hugone de Ettoneston Rogero de Rolehyrst et Ricardo de Tynghirst clericis et aliis multis