Charter Document - 02379606
| Charter Number: | 02379606 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1194 - 1202 |
| Date type: | Assigned |
| Resource Link(s): |
Reference Document for this Embedded Document |
Charter:
Universis sancte matris ecclesie filiis Galfridus comes Pertici et Matildis comitissa salutem in Domino universitati vestre notum facimus nos pro amore Dei et salute nostra et pro animabus antecessorum et successorum nostrorum in liberam et puram et perpetuam elemosinam dedisse et concessisse Deo et sancto Johanni Baptiste et domui de Sandelford et canonicis ibidem Deo servientibus ecclesiam et totam terram de Sandelford sicuti sepibus vel fossatis circumsepta est cum omnibus pertinentiis suis et totum boscum qui vocatur Brademore et totam terram ex utraque parte ejusdem bosci sicut cingitur ex una parte aqua que vocatur Aleburne a ponte de Sandelford usque ad Alburnegate et in alia parte sicut cingitur via que extenditur de Alburnegate versus Nywebirie usque ad croftam Willielmi Venatoris et in tertia parte sicut protenditur inde via usque ad croftam Roberti filii Rembaldi scilicet ad viam que extenditur de Nywebirie et in quarta parte sicut cingitur eadem via usque ad pontem de Sandelford Concessimus etiam predictis canonicis ut in predicta terra super predictam aquam ubi locum apertum providerint molendinum construant ei illud pacifice et sine molestia et contradictione possideant Preterea dedimus et concessimus eisdem canonicis tres decem marcas sterlingorum annuatim percipiendas de molendinis de Nywebirie ita quod predicti canonici singulis quatuor septimanis unam marcam percipient a ballivis nostris de redditu molendinorum Concessimus eisdem canonicis hec omnia supradicta libera et quieta ab omnia seculari servitio et exactione tenenda et habenda perpetuo de nobis et heredibus nostris in liberam et puram et perpetuam elemosinam Volumus autem et concedimus quod cum prior decesserit unus remanentium canonicorum eligatur in priorem Ut autem hec nostra donatio firma permaneat ipsam carta presenti sigillis nostris signata confirmamus Hiis testibus domino Huberto Cantuariensi archiepiscopo domino Hereberto Sarum episcopo Stephano de Pertico qui sigillum suum presenti carte in testimonium apposuit Willielmo de Pertico Hugone de Tabaria Odone de Normare magistro Roberto et domino Ricardo capellanis Reginaldo Pesaz Guffio de Vireroille Gervasio de Tabaria et multis aliis