Charter Document - 02373488
| Charter Number: | 02373488 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1163 - 1172 |
| Date type: | Assigned |
| Resource Link(s): |
Reference Document for this Embedded Document Reference Document for this Embedded Document |
Charter:
Universis Christi fidelibus tam presentibus quam futuris Agnes de la Mara filia Roberti de la Mara salutem in vero salutari Noverit universitas vestra quod ego assensu heredum meorum Thome et Roberti concessi et hac presenti carta mea confirmavi deo et ecclesie sancti Iohannis evangeliste de Haghmon et canonicis ibidem deo servientibus in puram et perpetuam elemosinam pro salute animarum patris mei et matris mee et Roberti Mauduth mariti mei antecessorum meorum donationem quam Robertus de la Mara pater meus pro remedio anime sue et uxoris sue Aliz matris mee et antecessorum et heredum suorum donavit et carta sua confirmavit scilicet Offintonam cum omnibus pertinentiis suis quam ipse Robertus iure hereditario possidebat liberam et quietam ab omni seculari servitio et exactione quod ad me pertinet in bosco et plano in pratis et pascuis et pasturis in aquis et molendinis in stagnis et piscariis in viis et semitis in moris et in omnibus locis cum omnibus libertatibus et liberis consuetudinibus suis ita libere et quiete et honorifice sicut predictus Robertus de la Mara pater meus vel aliquis antecessorum suorum unquam liberius ac quietius eam tenuit Quare volo et firmiter precipio quatinus predicti canonici prenominatam villam scilicet Offintonam inperpetuum habeant et teneant bene et in pace libere et quiete et honorifice Et prohibeo ne quis heredum meorum eis inde aliquam iniuriam aut contumeliam inferre presumat Et ut hec confirmatio mea inconcussa permaneat sigilli mei appositione eam corroboravi Hiis testibus Willelmo filio Alani Willelmo Delbotarensi Iohanne Extraneo []