Charter Document - 02372567
| Charter Number: | 02372567 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1191 - 1193 |
| Date type: | Assigned |
| Resource Link(s): |
Reference Document for this Embedded Document |
Charter:
Universis sancte matris ecclesie filiis ad quos presens scriptum pervenerit Robertus divina miseratione Wygorniensis episcopus salutem in vero salutari Cum quid geritur dignum memoria scripto commendare veterum consuevit peritia ut presentibus et futuris rei geste pagina certum prebeat munimentum Unde ad universorum volumus notitiam pervenire nos divine pietatis intuitu nihilominus quoque considerata tam honestate quam paupertate abbatis et monachorum ecclesie Persor eis concessisse ad hospitalitatem domus sue conservandam et manu tenendam ut cum ecclesiam eorum de Hauekesbur vacare contigerit fructus eiusdem ecclesie in usus proprios convertant salva vicaria solidorum eiusdem loci vicario per nos vel successorem nostrum ad presentationem ipsorum in ipsa ecclesia assignanda Concessimus etiam ut capella sancti Michaelis que in cimiterio eorum sita est et eiusdem capelle fructus quandocumque voluerint libere et absque alicuius contradictione sacriste ipsorum assignentur adicientes ut duas partes decimarum de dominiis eorum et omnes alias decimas quas ab antiquo ad domus sustentationem predicte inconcusse possederunt libere deinceps et quiete auctoritate possideant episcopali Et ut hec nostra concessio stabilis et inconvulsa permaneat eam presenti scripto et sigilli nostri appositione duximus roborandam Hiis testibus H capellano magistro G de Corcon et multis aliis