Charter Document - 02372488
| Charter Number: | 02372488 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Final Concord |
| Date: | 1195 |
| Date type: | Internal, Feast, Regnal |
| Resource Link(s): |
Reference Document for this Embedded Document |
Charter:
Hec est finalis concordia facta in curia domini regis apud Westmonasterium die veneris proxima post octabas Purificationis beate Marie anno regni regis Ricardi sexto coram Herbertus Cantuariensi archiepiscopo Ricardus Londoniensi Gilberus Roffensi episcopis G filio Petri Ricardo Eliensi Radulfo Herefordensi archidiaconis Ricardo de Heriard Willelmo de Warenne Osberto filio Hervei magistro Thoma de Husseburne Symone de Pateshul iustitiariis domini regis et multis aliis fidelibus domini regis ibidem tunc presentibus inter abbatem et canonicos de Haghmon tenentes per Thomam de la Mara canonicum suum positum loco predicti abbatis ad cirographum recipiendum et Radulfum de Ardene et Agnetem de la Mara uxorem eius petentes per Thomam clericum Ricardi de Heriard positum loco eorum ad cirographum recipiendum de tota villa de Uffintone cum pertinentiis quam ipsi canonici et abbas habebant de dono Roberti de la Mara patris eiusdem Agnetis et unde habuerunt cartam eiusdem Roberti et cartam confirmationis eiusdem Agnetis eis factam dum ipsa fuit vidua unde placitum fuit in[ter] eos in predicta curia scilicet quod prefatus Radulfus de Ardene et Agnes uxor eius recognovit prefatis abbati et canonicis donationem prefati Roberti de la Mara et confirmationem eiusdem Agnetis quas eis inde fecerant et quietam clamaverunt de se et heredibus suis tam idem Radulfus de se et heredibus suis quam eadem Agnes de se et heredibus suis prefatis abbati et canonicis et successoribus eorum totam prefatam villam cum pertinentiis in perpetuam elemosinam Et pro hac recognitione et quieta clamantia prefati abbas et canonici dederunt prefatis Radulfo et Agneti uxori eius xl marcas argenti Ut autem ista tam solempniter acta nullius temporis intervallo aut memorie lapsu cassarentur sed auctoritatis nostro perpetua rentur aminiculo ea in scriptum presens censuimus redigenda et sigilli nostri testimonio confirmanda Hiis testibus Gaufrido de Bocland []