Charter Document - 02371620
| Charter Number: | 02371620 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1152 - 1162 |
| Date type: | Assigned |
| Resource Link(s): |
Reference Document for this Embedded Document |
Charter:
Ricardus dei gratia Londoniensis episcopus omnibus sancte matris ecclesie filiis ad quos presens scriptum pervenerit eternam salutem in domino Noverit universitas vestra quod cum inter dilectos filios nostros priorem et monachos de Stok et P clericum venerabilis viri comitis Clarensis super ecclesia de Berdefeld controversia verteretur tandem post multas altercationes in presentia nostra sub hoc fine amicabiliter conquievit quod videlicet prefati prior et monachi tradiderunt prenominato P ecclesiam suam de Berdefeld ad firmam tenendam et habendam cum omnibus pertinentiis suis et cum omnibus terris et possessionibus quas Robertus de Trillawe tenuit de eis in Berdefeld omnibus diebus vite sue possidendam pro centum solidis annuis quos eis annuatim persolvet ad duos terminos scilicet medietatem ad pascha et aliam medietatem in festo sancti Michaelis Predictus etiam P omnia onera episcopalia ad prefatam ecclesiam pertinentia in se suscepit et sacramento corporaliter prestito cavit de predicta firma statutis terminis fideliter persolvenda