Charter Document - 02371599
| Charter Number: | 02371599 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1175 - 1205 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus Christi fidelibus ad quos presens scriptum pervenerit Iohannes dei gratia Norwicensis episcopus salutem in domino Noverint universi nos canonice concessisse et hac presenti carta nostra confirmasse monachis de Becco apud Sanctum Neotum deo servientibus ecclesiam de Hevelingham cum omnibus pertinentiis suis ex dono nobilis viri Walteri filii Roberti Concedimus etiam et confirmamus canonice eisdem monachis religionis favore annuam pensionem viginti solidorum de eadem ecclesia perpetuo percipiendam preterea ecclesiam de Bartone Binnedic cum omnibus pertinentiis suis ex donatione comitis Rogeri de Clara et annuam pensionem quadraginta solidorum de eadem perpetuo percipiendam duas quoque partes decimarum de dominio Ricardi filii Symonis in Bucton ex ipsius Ricardi donatione Testibus inscriptis