Charter Document - 02371578
| Charter Number: | 02371578 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1193 - 1195 |
| Date type: | Assigned |
| Resource Link(s): |
Reference Document for this Embedded Document Archives départementales de Seine-Maritime - 7 H 57/35 |
Charter:
Notum sit omnibus tam futuris quam presentibus quod cum ego Adam de Talewrth cl marcas sterlingorum xiii solidis et iiii denariis sterlingorum computatis in marca sub fideiussione venerabilis in Christo patris et domini Pedro Portuensis episcopi quibusdam creditoribus quorum nomina in cartis ipsius fideiussoris continentur mutuo receperim magistrum canonicum Herfordensem eidem episcopo eiusdem debiti fideiussorem et principalem mecum constitui debitorem quod ambo cum reditibus nostris tam laicalibus quam clericalibus sentencie subiaceamus excommunicationis suspensionis et interdicti si predictum debitum in proximis nundinis Trecensibus non fuerit persolutum Ad quas tactis sacrosanctis ewangeliis ipsum iuravimus esse solvendum Quod si tunc non solveretur de singulis x marcis mutui una marca pro pena excresceret ad alias nundinas cum debito persolvenda Preterea ad maiorem ipsius episcopi indemnitatem tam pro hoc eodem debito quam pro pena et expensis de Soleign et R filius Willelmo camerarii de Tankervill et Wischardus Leidett et Radulfo de Sancto Germano et Alanus filius Alani de Sorham se fideiussores et principales ita fide media constituerunt debitores quod prefatum debitum reddent requisiti nisi ad terminum constitutum sicut dictum est creditoribus fuerit satisfactum