Charter Document - 02371571
| Charter Number: | 02371571 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1193 - 1205 |
| Date type: | Assigned |
| Resource Link(s): |
Cambridge University Library - Peterborough Cathedral, MS 1 (f105r,p239) Reference Document for this Embedded Document |
Charter:
Universis sancte matris ecclesie filiis ad quos presens scriptum pervenerit Hugo de Longo campo filius Henrici de Longo campo salutem in vere salutis auctore Universitatem vestram scire desidero me intuitu dei et pro salute anime mee concessisse dedisse et hac presenti carta mea confirmasse deo et ecclesie sancti Petri de Burgo et abbati et conventui ibidem deo servientibus totam terram meam de Eylisuurthe scilicet quadraginta sex solidatas terre in liberam puram ac perpetuam elemosinam ad anniversarium meum cum debita ac solita solemnitate faciendum Quare volo quod predictus abbas et conventus totam predictam terram habeant et teneant cum omnibus pertinentiis suis de me et heredibus meis adeo integre et plene libere et quiete et honorifice sicut ego umquam integrius liberius quietius ac honorificentius eandem terram tenui et possedi sicut carta dependens a sigillis domine Asceline de Watervile et Rogeri de Torpel filii et heredis eius et Matildis de Diva et Hugonis filii et heredis eius qui terram prenominatam pro homagio et servitio meo michi contulerunt testantur reddendo michi inde et heredibus meis annuatim sex solidos sterlingorum in vigilia apostolorum Petri et Pauli pro omnibus servitiis et exactionibus que ad me pertinent Ego autem et heredes mei predicto abbati et conventui totam terram predictam warantizabimus contra omnes homines Et si forte eandem terram warantizare non poterimus ego vel heredes mei sine omni difficultate et dilatione et contradictione dabimus predicto abbati et conventui in terra nostra de Brunne ad valentiam terre predicte escambium habendum et tenendum in perpetuum per predictum servitium sex solidorum michi et heredibus meis annuatim solvendorum Hiis testibus []