Charter Document - 02371564
| Charter Number: | 02371564 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1193 - 1195 |
| Date type: | Assigned |
| Resource Link(s): |
Reference Document for this Embedded Document |
Charter:
Universis sancte matris ecclesie filiis ad quos presens carta pervenerit H dei gratia Wygorniensis episcopus eternam in domino salutem Officii nostri iniuncti nobis sollicitudo deposcit ut singulorum quos dictioni nostre noverimus esse suppositos ea qua poterimus cura medeamur inopie et eorum precipue quos ecclesie nostre devotos et regularis discipline iugo divine contemplationis intuitu noverimus oneratos Eapropter paupertati Persorensis monasterii compatientes deo et ecclesie sancte Marie et sancte Eadburge de Persor et Simoni abbati et sacro eiusdem loci conventui concedimus ut ecclesiam de Bradeweya ad susceptionem pauperum per manus elemosinarii eorum sustentandam cum ipsam vacare contigerit in usus proprios convertant salva tamen vicaria xl solidorum per nos vel successores nostros ad presentationem eorumdem monachorum alicui persone ydonee que eidem ecclesie de Bradeweya honeste deserviat conferenda