Charter Document - 02371545
| Charter Number: | 02371545 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1189 - 1204 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus Christi fidelibus ad quos presens scriptum pervenerit Godefridus dei gratia Wyntoniensis episcopus eternam in domino salutem Considerantes religionis fervorem domus Mertonie et bonam conversationem dilectorum canonicorum ibidem deo servientium suavissime redolentem eis in iustis petitionibus suis deesse nolumus nec debemus Inde est quod nos inspectis instrumentis predictorum canonicorum super ecclesia de Aultona a nobili viro Pharamuso de Bolonia avunculo nostro eis donata et a predecessore nostro Ricardo bone memorie quondam Wyntoniensi episcopo confirmata eandem donationem et confirmationem iuxta quod in prefatis instrumentis continetur ratam habemus et presenti carta nostra confirmamus statuentes ut predicti canonici omnes fructus et obventiones ex prefata ecclesia de Aulton provenientes in proprios usus licite possint convertere Volumus etiam nichilominus quod ad presentationem eorum perpetuus vicarius per nos et successores nostros Wyntonienses episcopos in ea instituatur cui constituimus vicariam ad valentiam sex marcarum qui in ea ministrabit ipsamque ecclesiam de oneribus episcopalibus exonerabit