Charter Document - 02371519
| Charter Number: | 02371519 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1180 - 1186 |
| Date type: | Assigned |
| Resource Link(s): |
Reference Document for this Embedded Document |
Charter:
Hamo de Valoin omnibus Christi fidelibus ad quos presens scriptum pervenerit salutem Ut preteritorum veritas scripture testimonio posteris possit innotescere presenti meo scripto universis duxi intimare quod ego divini amoris intuitu et domini H dei gratia Cantuariensis archiepiscopi ammonitus pro salute anime mee et antecessorum meorum redditum viginti et quinque solidorum in ecclesia mea de Dremword deo et ecclesie de Ledes et canonicis ibidem deo servientibus assensu et consensu prefati archiepiscopi in presentia sua in perpetuum concessi salva michi et heredibus meis in perpetuum presentatione eiusdem ecclesie ita quod predicti canonici semper possint predictum redditum annuatim inde percipere et nichil amplius iuris sibi in ea vendicare nec clericum presentare in ea ad personatum nec aliud exigere nec capere Ut igitur hoc in posterum nulli venire possit in dubium concessionem predictam presentis scripti serie et sigilli mei appositione dignum duxi confirmare Hiis testibus Huberto Walteri Roberto de Tateshal et aliis