Charter Document - 02371500
| Charter Number: | 02371500 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1190 - 1196 |
| Date type: | Assigned |
| Resource Link(s): |
Reference Document for this Embedded Document |
Charter:
Universis sancte matris ecclesie filiis [] sicut in prima carta Nos itaque donationes ipsius Willelmi sepedictis canonicis factas grato prosequentes assensu et vestigiis predicti predecessoris nostri feliciter inherentes omnia que tam in carta predicti Willelmi quam in carta predicti archiepiscopi continentur expressa memoratis canonicis auctoritatis nostre robore confirmamus Ipsorum etiam canonicorum inopiam pio respicientes intuitu et volentes illis in quibus possumus misericorditer providere benigne concedimus eisque scripti huius auctoritate propencius indulgemus ut predictas quatuor ecclesias perpetuo et inconcusso iure possideant et cum illas vel aliquam illarum primo vacare contigerit ipsi canonici ad sui sustentationem et hospitum susceptionem et pauperum alimoniam fructus omnes inperpetuum obventuros in usus proprios sine difficultate convertant salva vicariorum qui in eisdem ecclesiis per manus canonicorum ministrabunt rationabili et honesta sustentatione qua mediante et sibi providere et nobis et successoribus nostris possent de episcopalibus respondere