Charter Document - 02371444
| Charter Number: | 02371444 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1193 - 1197 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus Christi fidelibus ad quos presens carta pervenerit R prior ecclesie sancti Martini de Dovorr et eiusdem loci conventus salutem Noverit universitas vestra quod nos dedimus et concessimus elemosinarie nostre terras quas tenuit Robertus dei Pyn videlicet tres acras in Coppehelle et duas acras et tres virgatas in Beylinche et tres virgatas in Littenedene et preterea hec mesuagia scilicet mesuagium quod tenuit Eadwynus dei Pyn apud Cherlton et mesuagium quod Wolnothus Poppe tenuit et mesuagium quod Robertus Aleman tenuit apud Barram et duos ortulos sub Coppehelle preterea longam acram iuxta la Gara tenendas de nobis imperpetuum reddendo nobis annuatim pro omni servitio quinque solidos et sex denarios ad hos terminos ad festum sancti Michaelis xviii denarios ad festum sancti Martini duos solidos ad Pentecostem duos solidos decimam etiam de Bradedune decimam etiam de Heaclyve cum alia parva decima frugum que ab antiquo elemosinarie collata fuit et concessa messuagium quoque quod dicitur Bughesild cum pertinentiis suis Ut autem hec nostra concessio firma et stabilis in posterum permaneat [eam presentis scripti serie et] a sigilli nostri appositione communivimus Hiis testibus Aschetillo senescallo Gileberto Greneweye Iohanne nepote R prioris Galfrido famulo prioris Fulchero coco domine Lyveve Martino filio Ansgodi et aliis multis