Charter Document - 02371415

Hec est amicabilis compositio facta inter dominum Galfridum Covintrensem episcopum et ecclesiam de Lichesfeld ex una parte et abbatem et monachos de Cumba ex altera parte super ecclesia de Wllveya quam idem episcopus et ecclesia Lichesfeldensis ex una parte et abbas et monachos de Cumba ex alia parte ex dono Reginaldi Basset ad se pertinere contendebant Memoratus siquidem episcopus et eius successores habebunt inperpetuum donationem medietatis ecclesie de Wllveya plene et integre tam in capella de Copeston quam in omnibus aliis pertinentiis eius cum mesuagio persone et tota terra infra villam de Wllveya que ad eandem ecclesiam pertinet preter terram arabilem extra villam que est de dominico ecclesie de qua medietate predictus episcopus fecit prebendam in ecclesia Lichesfeldensi Abbas vero et monachi de Cumba habebunt inperpetuum reliquam medietatem in proprios usus ex concessione memorati episcopi plene et integre tam in capella de Copest quam in aliis omnibus pertinentiis suis Habebunt etiam totam terram arabilem extra villam que est de dominico eiusdem ecclesie cum mesuagio quod eis dominus episcopus assignavit ita tamen quod de medietate huius terre dominice quam idem abbas et monachi precipuam habent medietati alteri que ad episcopum et ecclesiam Lichesfeldensem in predicta ecclesia de Wllveia pertinet omnes decimas bladi plene et integre et sine aliquo impedimento persolvent Abbas autem et monachi de medietate ecclesie ad se pertinente honera episcopalia per omnia sustinebunt qui etiam in capitulo Lichefeldensi fideliter promiserunt quod nullum privilegium inpetrabunt nec inpetrato utentur in preiudicium vel detrimentum vel diminutionem medietatis supradicte ecclesie que medietas ad episcopum et ecclesiam Lichesfeldensem pertinet Set nec episcopus nec ecclesia Lichesfeldensis aliquid impetrabit in preiudicium huius compositionis Episcopus etiam et capitulum Lichesfeldense abbati et monachis et abbas et monachi episcopo et capitulo Lichesfeldensi bonam fidem per omnia promiserunt et si quando de medietate episcopi et capituli Lichesfeldensis vel de medietate monachorum orta fuerit controversia utraque pars alteri fidele consilium et auxilium prestabit salvo in medietate monachorum per omnia iure episcopali et parochiali Facta est autem hec compositio communi consensu et voluntate memorati episcopi et capituli Lichesfeldensis et monachorum de Cumba et sigillis eorum confirmata et signata Hiis testibus H de Bildewas et H de Miravalle et T de Crokesden abbatibus Willelmo archidiacono Dereb [] Stephano de Eketon magistro Simone de Dereb [] Neuwerch magistro Waltero Malet Thoma []is aliis