Charter Document - 02371366
| Charter Number: | 02371366 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1149 - 1159 |
| Date type: | Assigned |
| Resource Link(s): |
Reference Document for this Embedded Document |
Charter:
Walterus dei gratia Coventrensis episcopus omnibus sancte matris ecclesie filiis salutem Inter ceteras nostre sollicitudinis curas hec potissima dinoscitur loca religioni assignata ampliare tueri et confirmare ut devotionis deo servientium incrementum promoveatur et facultas faciendi [iniquitatem] malignantibus inposterum subtrahatur Inde est quod intuitu pietatis locum religionis quem Nicholaus filius Nigelli fundavit iuxta nemus quod vocatur Calewich in honore sancte semperque virginis Marie et dei genetricis sancteque Margarete et omnium sanctarum virginum canonicis regularibus ibidem deo servientibus inperpetuum canonice concedimus et auctoritate pontificali confirmamus cum terra et nemore et pratis et pascuis et libertatibus ceteris iuxta tenorem carte prefati Nicholai quam inde habent et ut libertatem habeant faciendi molendinum ubicumque in suo vel super aquam que eiusdem Nicholai et canonicorum terram dividit loci competentiam invenerunt []