Charter Document - 02371365
| Charter Number: | 02371365 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1175 - 1200 |
| Date type: | Assigned |
| Resource Link(s): |
Reference Document for this Embedded Document |
Charter:
Universis sancte matris ecclesie filiis ad quos presens carta pervenerit I dei gratia Norwicensis episcopus eternam in domino salutem Voluntariam sub religione degentibus paupertatem quo familiarius divinis vacare queant obsequiis presentis vite tribuere subsidium eterne retributionis premium promeretur Cuius retributionis gratia promerende nos devotam beati protomartyris Stephani Cadomensis monasterii religionem necnon et officiosissime hospitalitatis caritatem pie et diligenter attendentes idem cenobium dignum et pium duximus aliquo ditare beneficio quatinus viri religiosi inibi deo strenue militantes abundantius habeant unde et suam et pauperum et peregrinorum quos suscipient possint sustentare necessitatem