Charter Document - 02370647
| Charter Number: | 02370647 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Letters Patent |
| Date: | 1193 - 1204 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presentes littere pervenerint H dei gratia Cantuariensis archiepiscopus totius Anglie primas eternam in domino salutem Quia nolumus quod dilectus filius noster Wallerannus comes Warwici ex gratia quam liberaliter nobis fecit de prebendis ecclesie sancte Marie de Warr quarum donationem nobis personaliter et in vita nostra concessit post decessum nostrum iuris sui dispendium incurrat presenti scripto publice protestamur quod donationem earumdem prebendarum non ex iure aliquo quod ad nos vel ad antecessores nostros archiepiscopos pertineret set ex sola gratia ipsius comitis et in vita nostra tantummodo optinuimus nec ex gratia et concessione ista nobis facta poterit aliquis successorum nostrorum in donatione predictarum prebendarum aliquid sibi iuris vendicare Unde in huius rei testimonium presens scriptum sigillo nostro signatum eidem comiti duximus relinquendum Valete