Charter Document - 02370641
| Charter Number: | 02370641 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1197 |
| Date type: | Assigned |
| Resource Link(s): |
|
Charter:
Hubertus dei gratia Cantuariensis archiepiscopus totius Anglie primas apostolice sedis legatus universis sancte matris ecclesie filiis ad quos presens scriptum pervenerit salutem gratiam et benedictionem Quoniam ad pastoralis cure sollicitudinem spectat que nobis deo dispensante commissa est religiosorum studere profectui et veritati peribere testimonium maxime in hiis que in nostra presentia bene gesta sunt et nostro studio consummata dignum duximus litterarum nostrarum attestatione posterorum memorie commendare que presentibus nobis et aliis magnis et nobilibus viris facta noscuntur Cum itaque apud Norwicum legationis nostre exequeremur officia Willelmus de Draitune advocatus medietatis ecclesie de Skerlinges ad petitionem nostram concessit et dedit deo et ecclesie Sancte Crucis de Waltham in usus canonicorum regularium ibidem deo servientium in puram et perpetuam elemosinam medietatem prefate ecclesie de Skerlinge et illam in manus domini Iohannis episcopi Norwicencis coram nobis posuit ut ipse sicut episcopus eam predictis canonicis concederet et confirmaret Episcopus itaque requisitus a nobis eandem medietatem ecclesie de Skerlinges ecclesie et canonicis de Waltham in eorum proprios usus concessit et confirmavit sicut carta ipsius testatur quam eis inde fecit Qua propter auctoritate officii quo fungimur donationem predicti Willelmi et domini Norwicensis episcopi concessionem et confirmationem de medietate prefate ecclesie approbamus et presenti scripto confirmamus et sigilli nostri appositione communimus Hiis testibus domino Safredo episcopo []