Charter Document - 02370638
| Charter Number: | 02370638 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1198 - 1205 |
| Date type: | Assigned |
| Resource Link(s): |
|
Charter:
Hubertus dei gratia Cantuariensis archiepiscopus totius Anglie primas dilectis filiis de Winchecumbe et de Bordesl et priori de Brueria salutem et benedictionem Ex parte Cristine mulieris de Bradewei ad nos pervenit quod cum Walterus Waihoc auctoritate literarum nostrarum eam traxisset in causam super quadam pactione licita fide media sicut dicitur coram te fili abbas de Bordesl et te prior de Brueria compulsa est ad audientiam nostram appellare eo quod rationabiles exceptiones ipsius admittere noluistis set spreta appellatione eam iussistis arceri ab ingressu ecclesie Unde volentes prefate mulieri iustitie plenitudinem exhiberi te fili abbas de Winchecumbe duximus adiungendum ut simul causam audiatis et eiusdem mulieris rationabiles exceptiones admittentes secundum tenorem mandati prioris procedatis et causam fine debito terminetis