Charter Document - 02370637
| Charter Number: | 02370637 |
|---|---|
| Cartulary Title: | Canterbury 1193-1205 Volume 3 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1198 - 1204 |
| Date type: | Assigned |
| Resource Link(s): |
|
Charter:
Hubertus dei gratia Cantuariensis archiepiscopus totius Anglie primas dilectis filiis abbati de Bordesl et priori de Brueria salutem et benedictionem Veniens ad nos lator presentium Walterus prepositus proposuit quod cum Cristinam de Bradewei mulierem super fidei sue transgressionem de quadam conventione licita non observata coram decano de Quentona traxisset in causam quia ibi iustitiam optinere non potuit ad nostram audientiam appellavit et diem lune proximam ante Ascensionem domini terminum appellationi sue prefixit Unde quia laboribus et sumptibus partium parcendum duximus causam illam discretioni vestre committimus mandantes et precipientes quatinus si de appellatione illa ad nos super hoc rite interposita vobis constiterit convocatis partibus causam illam audiatis et eam fine canonico decidatis